5-6 noyabr 2024-cü il tarixlərində Qərbi Kaspi Universitetinin və Beynəlxalq Dırmanma və Alpinizm Federasiyasının (UIAA) birgə təşkilatçılığı ilə “Dağlar: Mədəniyyətlər, Landşaftlar və Biomüxtəliflik” adlı II Beynəlxalq Konfransı keçiriləcək.
MBLC BOOK 2 TAM VERSIYA-2024.pdf
2024-cü il 5–6 noyabr tarixlərində keçirilmiş “Dağlar: Biomüxtəliflik, Landşaftlar və Mədəniyyətlər” mövzusunda Beynəlxalq Konfrans həm əyani, həm də onlayn formatda təşkil olunmuşdur. Tədbir Qərbi Kaspi Universiteti (QKU), Beynəlxalq Dağçılıq və Alpinizm Federasiyası (UIAA), Azərbaycan Respublikası Elm və Təhsil Nazirliyinin Radiasiya Problemləri İnstitutu, Daşkənd İrriqasiya və Kənd Təsərrüfatının Mexanikləşdirilməsi Mühəndisləri İnstitutu (Özbəkistan), Dağlıq Regionların Davamlı İnkişafı üzrə Qafqaz Şəbəkəsi, Bakı Şəhər İcra Hakimiyyəti yanında “Dendrologiya Bağı” İctimai Hüquqi Şəxsi və H.A.Əliyev adına Coğrafiya İnstitutunun birgə təşkilatçılığı ilə baş tutmuşdur.
Konfrans çərçivəsində 226 elmi məruzə təqdim olunmuş, iştirakçılar konfrans materiallarına sərbəst şəkildə çıxış imkanı əldə etmişlər. Bu da aktual problemlər ətrafında canlı və məhsuldar müzakirələrin aparılmasına şərait yaratmışdır. Müzakirələr zamanı iştirakçılar tərəfindən 10 000-dən çox sual ünvanlanmışdır.
Tədbirdə Yaponiya, Kanada, Belçika, İtaliya, Slovakiya, Türkiyə, Pakistan, Çin, Səudiyyə Ərəbistanı, Rusiya, Ukrayna, Hindistan və digər ölkələrdən 30-dan çox xarici iştirakçı yer almış, alim və gənc tədqiqatçılar elmi dialoqlara aktiv şəkildə qatılmışlar.
İki günlük konfrans çərçivəsində elmi məruzələr aşağıdakı dörd tematik bölmə üzrə təqdim olunmuşdur:
- Kənd təsərrüfatı və ekologiya
- İqlim dəyişikliyi və ətraf mühit
- Turizm və regional inkişaf
- Səhiyyə və biokimya
Konfransın mühüm müzakirə mövzularından biri də dünyadakı bütün dağlıq ərazilərdə resursların sərhədsiz istismarı olmuşdur. Ağır mədənçilik, sıx əkinçilik və heyvandarlıq fəaliyyəti, habelə sürətlə inkişaf edən turizm sektoru bu ekosistemlərə təzyiq göstərməkdədir. Bu inkişaflar biomüxtəlifliyin və dağ populyasiyalarının davamlılığına təhlükə yaratmaqdadır.
Konfransın məqsədi – bu problemləri elmi kontekstdə geniş müzakirə etmək, ekoloqları, bioloqları, turizm mütəxəssislərini, qərarverici şəxsləri və digər maraqlı tərəfləri bir araya gətirməklə dünyada ciddi iz buraxan məsələlərə yenilikçi və praktik yanaşmalarla həll yolları tapmaqdan ibarət olmuşdur.
Tematik bölmələr tərəfindən rəy verilmiş və uğurla rəy prosesindən keçmiş konfrans materialları rəsmi konfrans məqalələr toplusunda nəşr olunmuşdur.
Qərbi Kaspi Universiteti bütün iştirakçılara fəal iştiraklarına görə təşəkkür edir və gələcəkdə də faydalı elmi əməkdaşlıqların davam edəcəyinə ümid edir.
